بنساعد الطالب بكل الأشكال الممكنة
في ثانوية عامة بيكون مهم إنك تحدد هدفك وتعرف عايز تعمل إيه بالظبط، وبعدها تشتغل على تحقيق الهدف ده بتركيز وثبات وتمشي خطوات صحيحة في الطريق إليه.
المشكلة إنك وإنت في الطريق ده ساعات بتزهق أو بتتعب، وبتحس إنك مش قادر تكمله، أو بتحصل حاجة تحبطك وتحس إنك ماشي غلط! وعشان كده "ثانوية حلوة" دورها إنها تساعدك في تحديد الطريق وتكون معاك من أوله لآخره؛ ترشدك وتدلك على الأخطاء اللي تتجنبها والحاجات الصح اللي تعملها.
تحديد الهدف
بنساعدك تحدد هدفك وبنتكلم سوا كتير لحد ما نحدد سوا إيه أنسب كلية ليك، وده لأنك لازم تختار الطريق المناسب عشان تقدر تبدع فيه.
نصائح عامة
"أذاكر ازاي؟"، "أنظم وقتي ازاي؟"، وغيرهم من الأسئلة اللي بتدور في بال كل طالب ثانوية عامة، وإحنا بنكون معاك وبننزل نصائح في كل الحاجات اللي بتواجهك في فترة الثانوية العامة.
تواصل شخصي
زي ما في مشاكل بتحصل لكل الطلبة، في مشاكل خاصة بيك لوحدك وظروف لحياتك، وعلشان كده بنستقبل رسايلك ونتكلم معاك في كل مشاكلك دي ونحاول نحلها معاك عشان ترتاح نفسيًا وتقدر تذاكر وتركز قدر الإمكان.
مش مجرد صفحة
مع الوقت هتلاقي إننا مش مجرد صفحة بتبعتلهم مشكلة ويردوا عليك، هنتحول لأصدقاء وهتلاقي نفسك مع كل حاجة بتحصل في ثانوي سواء حلوة أو وحشة بتيجي تحكيلنا وبتلاقي مننا نفس الحماس نسمعك كل مرة، وهتعرف ليه إحنا مقتنعين إن "ثانوية حلوة".
فعاليات غير ربحية
إحنا مش بس بنتكلم عن طريق الفيسبوك، لكن كمان بنعمل events وفعاليات (غير هادفة للربح) بنتكلم مع طلبة ثانوي وأولياء أمورهم كمان، وبيكون فيها جزء ترفيهي عشان يغيروا جو.
0
فعاليات
0
طالب استفادوا من فعالياتنا
30000
متابع على صفحتنا